Shillong, Jymmang, 26: Ka Larisa LaminnaAdventist Higher Secondary School, Thadlaskein, West Jaiñtia Hills kaba la ioh khur 450 marks ka la long kaba nyngkong eh ha ka kyrdan Top 10 ha ka result Higher Secondary Leaving Certificate (Arts) ba la pynbna da ka Meghalaya Board of School Education (MBOSE) ha ka sngi Thohdieng.
Katba ka Avelyne Francisca Khriam na St. Edmunds Higher Secondary School, Shillong ka la poi ha ka kyrdan baar da kaba ioh khur 449 marks bad ka Deinamesha Hynniewta na St Anthony’s Higher Secondary School, Shillong ka la ioh khur 446 marks bad poi ha ka kyrdan kaba lai.
Ha kawei pat ka liang, ka jingpas bha jong ki khynnah ha ka eksamin HSSLC ka long 80.30 percent. Ha u snem baladep, ka jingpas jong ki khynnah ka long 81.17 percent.
Ki don 20,425 hajar ngut napdeng ki 25,434 ngut ki khynnah skul na ki 246 tylli ki skul kiba iakhun ia ka eksamin HSSLC kaba la long ha ki 105 tylli ki centre kiba la pas ha kane ka kynti.Ha kane ka kynti, ka Eastern West Khasi Hills District ka la paw kum ka district kaba bun tam kiba pas ha kaba ka percentage ka long 91.64 katba ka South Garo Hills ka paw kum ka district kaba duna bha kiba pas, kata, tang 49.23 percent.
