Shillong, Jymmang, 10: U Myntri Rangbah ka Jylla Conrad K Sangma ha ka sngi Saitjaiñ u la pyntip ba 70 ngut ki samla na ka jylla Meghalaya kiba pule ha ka jylla Punjab bad Haryana ki la hap ban wan phai noh sha la iing namar ka jingdon jong ka thma hapdeng ka India bad Pakistan.
U la pyntip ba ki samla pule mynta ki dang don ha Delhi shwa ban wan phai noh shipor sha la ïing.
“Namar ka jingbym shngaiñ na ka jingïakynad hapdeng ka ri jong ngi bad ka ri Pakistan, mynta hi ka step, kumba 70 ngut ki samla na Meghalaya kiba pule ha Punjab bad Haryana la pynsah ha Meghalaya House, Delhi,” la ong u Myntri Rangbah haba pyntip ïa u kyrwoh ha ka rynsan X.
U la ong, “ngi khmihlynti ruh ba kin dang don shuh shuh ki samla kiba dang don mynta ha lynti.”
