Shillong, Naitung, 09: Ka Iingbishar Meghalaya High Court ha ka sngi Balang ka la rai ban shong bishar ïa ki jingujor kaba ïadei bad ka jingtyrwa ban pynkynriah noh ïa ki 342 tylli ki longïing na Them Iew Mawlong ha ka 7 tarik Nailar.
Ïa ki jingujor la phah da ka Sorkar Jylla bad ka Harijan Panchayat Committee (HPC).
Ha ka hukum ba la pynmih, ka Division Bench kaba kynthup ïa u Chief Justice IP Mukerji bad u Justice W Diengdoh ka la mynjur ïa ka jingpynslem ban jied ïa ka jingujor, da kaba kdew ïa ka daw kaba biang bad ka jingbym pyrshah jong ki nongshah mudui.
Ka iingbishar ka la ailad ïa kane ka jingujor katkum ka Section 5 jong ka Limitation Act, 1963, kaba la pynlah ïa ka jingujor ban ïaid shakhmat.
Ka la pdiang ruh da kaba thikna ïa ka jingujor bad ka la tyrwa ban bishar ïa ka khlem da don ki jingpynbeit ryntih, haba kheiñ ïa ka jingmihkhmat jong ki ar liang ha ka iingbishar.
La bthah ïa u Nongïasaid aiñ na ka bynta ki nongmudui ban phah ïa ki jingpyntip shwa ka 24 tarik, Naitung, 2025, ban phai kopi sha u Nongïasaid aiñ jong ki nongshah mudui ym duna ïa ka hynñiew sngi shwa ban shong bishar.
Ïa ki jingkyrpad yn sa shong bishar ha ka 7 tarik, Nailar, 2025.
