Shillong, Lber 22: U Additional Deputy Commissioner (Supply), ba khmih ïa ka Sohra Civil Sub-Division, Sohra la pyntip paidbah baroh kito kiba ïoh khaw ration lyngba ka skhim NFSA (AAY bad PHH skhim kiba hap hapoh jong ka Sohra Civil Sub-Division ba naduh ka 01/Ïaïong/2025 ba kito ki bym pat pynïasoh ïa ka Aadhaar card bad ka card ration jong baroh kiba don kyrteng ïa u khaw ba la mang na ka bynta jong ki yn bat bad kin ym ïoh satia.
Ha kane ka jingpyntip na ka liang jong u ADC Supply jong ka Sohra Civil Sub Division u la kren shai ba ïa u khaw ba dei ka bhah jong ki yn sa ai sha ki haduh ba kin da ai ïa u Aadhaar card sha ophis jong u SDO Sohra, kane long ka jingpyntip kaba shai kdar sha ki paidbah.
Lada don kiba don card ration bad lada kin lah ban pynïasoh ïa ka Aadhaar card bad ka ration card hapoh lai bnai ïa ka kyrteng jong ki yn weng noh na ka list ne ka thup kaba don ha ka NFSA Act 2013 bad ha ka jaka jong ki yn pynrung noh da kiwei, kane ka hukum ka la treikam naduh ka 19/Lber/2025.
