Shillong, Kyllalyngkot 6 : Ka Ophis jong u Sub-Divisional Officer (C), Pynursla Civil Sub-Division, ka la pyntip paidbah ba yn sdang biang ïa ka jingkhang surok ha ka bynta Laitlyngkot bad Lyngkyrdem (Chainage Kms 24+00 – 37+00) naduh 08 tarik Kyllalyngkot, 2026, na ka bynta ka jingpyntrei ia ka surok Shillong-Dawki.
Katkum ka jingpyntip paidbah, ïa ka surok yn khang ha kine ki por:
- Mynsngi: 11:30 mynstep haduh 04:00 janmiet
- Mynmiet: 09:00 mynniet haduh 04:00 mynstep
Ka jingkhang kan long shipor bad yn treikam man la ka sngi naduh 08 tarik Kyllalyngkot, 2026 tad haduh ban da pynbna da kumwei pat.
La pyntip ruh ba baroh ki kali kin lah ban ïaid na baroh ar liang (Laitlyngkot bad Lyngkyrdem) haduh 11:30 mynstep. Hadien kata, naduh 12:00 baje shiteng sngi, ka kompani kan sdang ïa ki jingshna surok ha katei ka bynta.
La kyntu jur ïa ki nongleit nongwan ba kin long kiba husiar bha, khamtam eh ha ka por mynmiet. La ong ruh ba ki tang ki kali ambulance yn pynlait ban ïaid katba dang khang surok.
Na ka bynta ka jingdonkam jingïarap, phone sha Pynursla Police Station ha une u nombor 6909217154.
