Shillong, K’lyngkot, 14: Ka Secretary jong ka Meghalaya Body Builders’ Association (MBBA) ka Kong Claudia Jessica Bamon ka la pyntip ba ki dkhot jong ka kynhun kin sa leit ban iashim bynta ha ka 16th Senior Body Building and Physique Sport Championship 2025, ka ban long naduh ka 14 tarik, Kyllalyngkot, 2025 haduh ka 16 tarik Kyllalyngkot, 2025 ha Belagavi, Karnataka.
Ki dkhot jong ka Meghalaya Body Builders’ Association ki ban sa leit ban iashim bynta ki long u Samewan Paswet bad ka Priyanka Kharsanngap.
Ka Rotary Club of Belgaum bad ka Belgaum Sports Club da ka jingiatreilang bad ka Kamataka Association of Body Builders ki la pyntip ba la pynlong ia kane ka rynsan iakob hapoh ka jingpeit jingkhmih jong ka Indian Body Builders Federation.
