Shillong, Nailar, 22: U Superintendent of Police (Traffic) East Khasi Hills District u K. Prasad u la pyntip ba ïa ki Sticker ba don bad ki numbar yn sa sam sha ki nongniah kali Local taxi bad Auto Rickshaw kiba kamai hapoh u pud u sam jong ka East Khasi Hills District.
Ka jingsam ïa ki Sticker kan sdang naduh ka 6 tarik, Risaw haduh ka 5 tarik, Nohprah.
Ban ïoh ïa ki Sticker, ki trai kli ne ki nongmihkhmat ki dei ban aiti ïa ki dulir bapura ryngkat ki photocopy- registration certificate, permit, insurance certificate, fitness certificate, trading license (na ka bynta ki trai bar jylla), professional tax, passenger tax, M.L.M.T.U Certificate, pollution certificate bad identification proof (EPIC/AADHAR ne kano kano ka jingpynshai jong ka ID).
Tang ïa ki dulir ba la shem ba ki long kiba biang nadong shadong, yn sa ai ïa ki Sticker bad dei ban tah ruh hakhmat ka iit jong ka kali jong ka Taxi ne Auto Rickshaw.
