Shillong Naitung 03: Ka Hynñiewtrep Youth Council (HYC), Education Cell kum ka jingrakhe ïa ka jingdap kaba 10 snem ki jingïaid lynti kan pynlong ïa ka Tur Shaphrang Academic Award, 2024 ha ka 17 tarik mynta u bnai.
Kane ka jingai khusnam kan long na ka bynta ki samla pule ka jaitbynriew Hynñiewtrep napoh ki skul ka jylla Meghalaya kiba wan ha ka kyrdan Top 10 bad kiba ïoh 85% shajrong ha ka class x bad XII ha ka SSLC, HSSLC, CBSE, bad ICSE u 2024.
Ki kot ba dei ban pynpoi ki dei ka Marksheet, Admit Card, Registration Card, Certificate, Passport size Photo, bad contact number ki khynnah ne ki bahaïing.
Na ka bynta ka jingtip kaba bniah ki lah ban telephone hapoh ka 10 tarik mynta u bnai Naitung ha ki number u Bah Enlang Sawian Education Secretary 7005624948, Bhaboklang Shohshang Assistant Education Secretary number 9862667315 bad Banpynbiang Riang Education Secretary number 8131925487.
