Shillong, Naitung 13: Ka Bijoya Sawian kaba dei na ka liang ka thoh ka tar ka Literary Voice na ka jylla Meghalaya kan shah pynkupburom ha ka 3rd Edition ka Aalekh Foundation Women Achievers’ Awards, ha ka prokram kaba don burom bad kaba kongsan bha ka ban long ha ‘The Leela Palace’, New Delhi ha ka 19 tarik mynta u bnai.
Kane ka nongthoh kaba dei na Shillong, nangta kum ka translator bad ka nongri nongsumar ïa ka kolshor ka kong Bijoya Sawian kan sa shah pynkup burom ha ka 3rd Edition jong ka Aalekh Foundation Women Achievers’ Awards, ka ban long ha ka 19 tarik mynta u bnai ha The Leela Palace, New Delhi. Ka long kawei napdeng ki 20 ngut ki longkmie kiba la shah jied kyrpang na kylleng ka ri halor ki kam kiba wanrah ki jingkylla bad kiba wanrah ki jingktah ha ki kam bapher bapher.
Kane ka jingïoh ïa kane ka khusnam ka la long halor ki jingithuh ki kam nohsynniang kiba ka kong Bijoya Sawian ka la noh sha ka thoh ka tar ka ri India bad ka jingpynneh bad tyngkai ïa ki kolshor ki trai ri trai muluk, kyrpang lyngba ki jingïathuh khana kiba ai jingmut bad ki jingdon bynta kiba jylliew halor ka jinghiar pateng ka jaitbynriew Khasi. Ki jingpynkylla sha ka ktien Khasi ïa ki khana kum ka ‘The Teachings of Elders’ bad ka ‘The Main Ceremonies of the Khasis’ ka la pynneh bad tyngkai ïa ki khana pateng kiba shongsbai lyngba ki jingkren, katba ki kam fiction jong ka kum ka Shadow Men bad ka Hill Songs of Love bad ka Longing offer lyrical bad ka sensitive portrayals of life ha Khasi Hills ki la long kiba kit jingmut shisha.
Ki jingthoh jong ka, ki la ïoh ki jingïaroh naba ki la pynïasoh ïa kaei kaba la jia mynshwa bad kane ka pateng kaba mynta, kaba la wanrah ïa ka jingriewspah ka kolshor bad ka khana pateng kaba ïasohlang hapdeng ka imlang sahlang bad ka khana saiñ pyrthei jong kane ka thaiñ shatei lammihngi sha ka jingsngewthuh ha ka jingpule hapoh ka ri baroh kawei.
Ha kane ka prokram pynkupburom yn wan ïa shimbynta da kiba shah khot sngewbha kiba kynthup ïa u R. Venkataramani, Hon’ble Attorney General of India bad u Justice Sanjay Kishan Kaul, u nongbishar ba rim ka Hon’ble Supreme Court of India, kum ki kongsan.
Haba kren ha shwa ban poi kane ka sngi ban pynlong ïa kane ka prokram pynkup burom, na ka liang Dr. Rennie Joyy, Founder ka Aalekh Foundation, la ong, “Ki kam jong ka Bijoya Sawian ka dei ka jingpynkylla kaba jar jar ha ka thoh ka tar, kaba wanrah biang ïa ka kyrdan kyrpang, ka sur bad ki jingïohi ïa ki khana kiba manla ka por kiba ym ju ïohsngew. Ha Aalekh, ngi dap da ka jingsarong ban burom ïa ki longkmie kum ma ka, kaba ohshrong ïa ki jingïathuh khana, bad kaba pynkynmaw ïa ngi ïa ka bor jong ki ktien ban tyngkai bad ban wanrah jingkylla.”
Ka Aalekh Foundation Women Achievers’ Awards ka dei ka prokram kaba la sdang ban ai burom ïa ki longkmie kiba ym tang ba ki la pynpra ïa ka kynroh ha la ki jong ki kam ba ki leh hynrei ki la noh ka synniang kaba don jingmut sha ka imlang sahlang, ka kolshor bad ha ka jingtei ïa ka ri India baroh kawei.
