Shillong, Naitung, 05: Ka Supreme Court Collegium ka la mynjur ban thung ïa u Additional Judge Justice Biswadeep Bhattacharjee jong ka iingbishar Meghalaya High Court kum u Judge bapura jong kane ka iingbishar.
Ka Collegium ba la khlieh da u Chief Justice ka ri India u BR Gavai bad kynthup ïa u Justice Surya Kant bad u Justice Vikram Nath ki la ai jingmynjur ha ka jingïalang kaba la long ha ka 1 tarik, Naitung.
“Ka Supreme Court Collegium ha ka jingïalang kaba la long ha ka 1 tarik, Naitung, 2025 ka la mynjur ban thung ïa u Justice Biswadeep Bhattacharjee, Additional Judge, kum u Permanent Judge jong ka Iingbishar Meghalaya High Court hadien ba la pynkylla ïa ka post Additional Judge sha ka post jong u Permanent Judge,” la ong u kyrwoh na ka Collegium.
