Shillong, Rymphang 11 : Ka Organising committee Jong ka Khasi Students’ Union Mawkhar Circle ha ka 11 Tarik Rymphang 2025 ka la pynher krad noh ia ki katto katne ki bar jylla ki ba wan trei be-aiñ khlem kino kino ki kot ka sla kiba biang bad kiba trei ha Umsohsun.
Hynrei katba kine ki bar jylla kiba wan trei bad sah ruh ha katei ka jaka ki dang lum ia ki tum ki tam jong ki ban leit phai noh, la wan mih ki pulit ban khang lad ia ki dkhot jong ka Seng bad ha katei ka por ka la don ruh ka jing ia pyn i Nia ia ki pulit “ba shaei ki jah ha kine ki taiew ba la dep ba shah pynthut ka iaid ka ieng jong ki khasi ha kine ki juh hi ki briew kiba sah bad trei hangne”?
ka KSU Mawkhar Circle ka la buh jingkylli ruh ba balei ki pulit ki long pyrshah pynban ia ka jing shong shngaiñ ka shnong ka thaw.
Ha kine ki khyndiat taiew ba la leit ki paidbah ki la pyntip sha ka KSU ba kine ki bar jylla kiba trei ba sah hangto ynda lah miet ki lah ia dih ia bam bad ynda ki lah buaid ki pynthut ruh wat ia ka iaid ka ieng ki briew ba iaid nangto, kaba lyngngoh mynta ka long shaei ki jah kita ki pulit ba don ka jingkitkhlieh ha kata ka por?? .
Ka kyrwoh kaba shai na ka KSU ba kino kino kiba pyrshang ban khang lad ia ka Seng ban kyndang ia kine ki buhai shnong ka Seng kan ym sngap ïano ïano ruh bad kan iaid beit sha khmat khnang ba ka Ri bad ka Jaitbynriew kan shongsuk.
