Shillong, Jylliew, 15: Ki Pulit jong ka Anti Narcotic Task Force ka East Khasi Hills ryngkat ki Pulit jong ka Mawryngkneng Police Station kiba la ioh jingtip kaba bniah na ki tnat syntiat ha ka sngi Thohdieng mynta ka taiew ki la pynlong ia ka jingtalasi ia ki kali ha Mawryngkneng Police Station bad iohkem ia uwei u briew uba la tip kyrteng kum u B. Lallianzama 36 snem ka rta uba shong basah ha Law u Sib, Madanrting, Shillong.
Ha ka jingtalasi ia ka kali, ki Pulit ki la ioh kurup 1,00,000 (shi lak) tylli ki suba dawai kuli Yaba kiba khia 10.122 kilo.
Ki Pulit ki la kurup ruh ia kawei ka Mobile Phone bad kawei ka kali Maruti BREZZA kaba don ia u nombar ML05-P-3646.
Ki Pulit ki la register case ha Mawrynkneng Police Station hapoh ka Section 22(C)29 jong ka NDPS Act.
