Jowai, Nailur 04: Ka Kashari jong u Sessions Judge, West Jaintia Hills ka la pynmih da ka hukum ban set along haduh 10 snem kynthih ia u Dri Phawa hadien ba la lap ba u donkti ban leh beijot ia kawei ka khynnah rit ha kawei ka shnong ha West Jaiñtia Hills District.
U kyrwoh ba la phah da u Superintendent of Police ka West Jaintia Hills District, u la iathuh ba ha ka 26 tarik, Jymmang, 2001 ka kmie jong kane ka khynnah rit ka la ujor da ka ejahar ha u Officer In-Charge jong ka Jowai Police pyrshah ia u Dri Phawa uba sah ha ka shnong Myrjai da kaba kynnoh ba u la leh be-ijot ia ka khun jong ka ha ka 23 tarik u Jymmang, 2001.
Ki Pulit ki la register case ha Jowai Police Station hapoh ka Section 376 Indian Penal Code (IPC). Ia ka jingtohkit la bynshet ha ka ASI W. Vaichei. Hadien ka jingtohkit, ka Investigating Officer ka la pynngat kyndong ia uba la shah kynoh donkti ha ka Section 376 IPC.
Ha ka 31 tarik u Nailar, 2023 ka Kashari jong u Sessions Judge, West Jaintia Hills hadien ba la pynshong nongrim ia ki sakhi ki sabut ba la ioh lum, la lap ba u Dri Phawa u donkti ha ka kam runar bad la rai ban set along ia u halor ka jingpynkhein ia ka Section 376 IPC.
