Jowai, Jymmang, 15: Ka Kashari Session Judge, West Jaintia Hills District, ha ka 8 tarik mynta u bnai ka la pynioh ia ka hok jong u Bah Lang Pale uba la shah pyniap ha ka 17 tarik, Rymphang, 2008 ha u Herman Shylla.
Ha u kyrwoh ba la phah da u Superintendent of Police jong ka West Jaintia Hills la pyntip ba ki Pulit ki la register case ia kane ka jingjia ha Jowai Police Station hapoh ka Section 302/34 IPC bad ia ka jingtohkit la bynshet ha u Sub Inspector M. Myrboh ha kaba u la pynngat kyndon ia u Herman Shylla hapoh ka Section 304 Indian Penal Code (IPC).
Ka Kashari ka la rai pynrem ia u nongleh kam bymman da kaba set along haduh 10 snem bad sa 2 bnai ban bteng ia ka jingshah set along.
Nalor kata, ka kashari ka la hukum ban siew bailutksan 3 lak tyngka sha ki bahaing hasem jong u lanot, Bah Lang Pale.
