Shillong, Jymmang, 15: Haduh 18,422 hajar ngut ki samla pule ki la rejistar kyrteng ialade na ka bynta ban iakhun ia ka eksamin Common University Entrance Test (CUET) ha ki 26 tylli ki Center kiba don ha kane ka jylla Meghalaya hadien ar snem ba la pyllait ia ki na kane ka eksamin.
Kine ki 18,422 ngut ki samla kiba la regjister kyrteng ialade ban iakhun ia kane ka eksamin ki long 8,535 kiba iakhun ha Shillong, 4,269 ngut kiba iakhun ha Jowai bad 5,618 ha Tura. Ia ka online exam la buh sngi ban pynlong ha ka 21 tarik, 22 tarik bad 24 tarik Jymmang, 2024 katba ia ka offline exam la buh sngi ban pynlong naduh 15 tarik haduh 18 tarik, Jymmang, 2024.
Ki jaka thoh eksamin ki don 12 tylli ha Shillong, katba ka Jowai ka don 5 tylli bad ka Tura ka don 9 tylli.
Ia kane ka eksamin la pynlong da ka National Testing Agency (NTA) da ka jingiatreilang bad ka Sorkar Jylla na ka bynta ban pynbeit ia ki jaka thoh eksamin. La khmihlynti ba ka jingpynbna ia ka result jong ka CUET 2024, kata, lyngba ka Online bad Offline Mode kan long ha ka 30 tarik Jylliew, 2024.
