Shillong, Naiwieng, 27: Ka International Federation of Muay Thai Association (IFMTA) kum shi bynta ban pynryntih ha baroh kawei ka pyrthei, ha shwa ban kan ioh rung sha ka lympung ialehkai Olympic, dang shen ka la pynlong ia ka jingai jinghikai ia ki rang bad thei ialehkai jong ka ri India, kaba la long ha ka jylla Kerela.
Ha kane ka jingshah ai jinghikai kaba la tip kum ka One Standart Muaythai ne ka OSM, na ka jylla jylla Meghalaya kiba leit shah hikai ki kynthup ia ki ar ngut ki kynthei bad 15 ngut ki shynrang kiba la lah ban pyndep ia ka Course OSM.
Ha kane ka jingai jinghikai la phiah ha ki ar bynta na ka bynta kawei ka Course, kata ka Theoretical module bad ka Practical module bad ha kaba kut jong ka Course baroh kiba iashim bynta kin ioh ia ka jingithuh na ka IFMA kum ki Coach, Manager bad kum ki nongialehkai Muay Thai.
