Shillong, Naiwieng, 27: Ka Khasi Hills Autonomous District Council, kum shi bynta ban pyrkhing ia ka jingkhaïi laitluid jong ki bar jylla ki bym biang ia ki kot ki sla ha ka lah sngi U Blei ka 27 tarik u Naiwieng ka la khynra naphang ia ki dukan jong ki bar jylla kiba buh dukan ha ka shnong Laitumkhrah ki bym don ia ki kot ki sla kiba biang. Kine ki kynthup ia ki bar jylla kiba shong wai ha ki dukan bad ia kiba shu shong die jingdie harud surok.
Ia kane ka jingkhynra la ialam hi da u Executive Member ba peit ia ka tnad Taxation Bah Fantin Lakadong bad u Executive Member uba peit ia ka tnad Land Bah Teibor Pathaw ryngkat bad ki heh ophisar ka tnad Trade lem bad ki ophisar ka tnad Enforcement.
Ia ka jingkhynra la sdang na Fire Brigade terter haduh Beat House kumjuh ruh ha ki bynta jong ka Iew Shyllong bad ha Police Point ter ter shaduh sha Don Bosco Square.
Katba ka jingkhynra ka dang iaid shakhmat, ki bar jylla kiba shong die jingdie harud surok ki kam ki la shong die jingdie harud surok da ka jingaibor jong ka Meghalaya and Greater Shillong Progressive Hawkers and Street Vendors Association.
Halor ka jinglap ia ki dukan ki bym biang ia ka Trading Licence na ka liang ki ophisar ka tnad Enforcement ki la khang khyrdep noh ia ki dukan bad ia kiba shong die madan la bthah ba kin lum lut ia ki jingdie bad la bthah ba kin pynbiang shwa ia ki kot ki sla.
