Shillong, K’lyngkot, 31: Da kaba buh hakhmat ia ka thong ban ioh ia ka lyer kaba khuid bad ban iohi ia ka jingjyrngam jong ki khlaw ki btap, ka Khasi Hills Autonomous District Council (KHADC) ryngkat ka jingiatreilang bad ka Meghalaya Basin Development Agency (MBDA) ki la pynsdang ia kawei ka project kaba la tip kum ka Agro Forestry Carbon Credit Scheme.
Halor kane ka jingthmu, ki don 28 ngut ki nongrep kiba la wan shakhmat ban rejistar ia la ka jaka jong ki ban ioh ia kane ka skhim ha kaba kin ioh jingmyntoi ha ka shi snem kan ym duna ia ka T. 15 hajar nalor ki mar rep kaba ki la ioh ban pyniaid iew.
Ha kane ka sngi la sakhi lang da ki khlieh nongsynshar jong ka Hima Mylliem bad na ka Hima Khyrim nalor ki nongialam jong ka IORA Ecological Solution Private Limited bad ki ophisar ka District Council na rilum Khasi bad na rilum Jaintia.
