Shillong, Rymphang 01: U Myntri Rangbah ka jylla u Conrad K. Sangma, ha ka sngi Palei u la pyllait paidbah bad aiti ia ki kali kit niut ba la tip kum ki Waste Collection e-Vehicles sha ki Block bapher bapher jong ka East Jaiñtia Hills, Eastern West Khasi Hills, East Khasi Hills bad West Jaiñtia Hills.
Ha kane ka sngi la sakhi lang da u Symbud Myntri Rangbah ka jylla u Bah Sniawbhalang Dhar, ki Myntri ka Sorkar kiba kynthup ia ka Dr. Mazel Ampareen Lyngdoh, u Marcuise N Marak bad u MLA ka Umroi u Bah Damanbait Lamare, u MDC ka Umroi u Bah Bah Rangkynsai Kharbuki bad ki ophisar n aka ntat PHE bad ka Shillong Municipal Board.
Ki kali kiba la pyllait paidbah ha kane ka sngi ki long haduh 207 tylli ia kiba la aiti sha ki Block bapher bapher jong ka ri lum Khasi bad Jaintia bad kum kane ka juh ka prokram yn sa pynlong shen ha rilum Garo.
Haba kren kum u kongsan u Conrad Sangma, u la ong ba thong jong ka Swach Bharat Mission (Grameen), kaba dei ka National Flagship Programme jong ka Sorkar India ban pynlong ia baroh ki shnong kum ka ODF Plus.
“Mynta ka Jylla tang hapoh khyndai bnai ka la kynjoh 84.33 % na ka 10 % ha ka ODF Plus. Kane ka long namar ka jingaiti lut jong ka Sorkar bad ki tnat treikam ban kynjoh sha ka thong ban long kaba nyngkong eh napdeng ki shiphew tylli ki jylla kiba wan shakhmat,” u la ong.
Haba pan ia ka jingiatreilang bad ki paidbah, u Myntri Rangbah u la ong, “naduh ka Financial Year ba mynta u snem, manla ka lai bnai, ha baroh ki district, block bad ki shnong, ka sorkar bad manla uwei pa uwei u nongshong shnong kin iatreilang ban pynlong ia ki shnong bad ki nongbah kiba khuid basuba.
U Marcuise M. Marak haba kren ha kane ka sngi u la ong ba ka jingaiti ia kine ki kali Waste e-Vehicle ka dei ka thong jong ka sorkar ban wanrah ia ka jingkhuid jingsuba hapoh ka Jylla Meghalaya.
U la iathuh ba ka Predicted Plan na ka bynta 2024-2025 ka kynthup ia ka jingkynjoh shispah n aka shispah ia ka ODF Plus, da kaba shna ia ki painkhana ha ki 1,10,240 tylli k iing bad 1553 spah ngut la bhah ia ka PMAY, ban shna 570 tylli ki Community Sanitary Complex Units bad ban pyntreikam 18 units ka Fecal Sludge Management da kaba bynrap sa ia ka Govardhan Units bad ka Plastic Waste Management Unit ban shna ha baroh kawei ka jylla.
