Shillong, Jymmang, 23: Ka Khasi Students Union (KSU) Umsning Circle ba la lamkhmat da u President u samla Lester Nongbet ka la leit ban kynduh bad aiti da ka jingthoh ha u Manager jong ka State Bank of India, Umsning Branch halor ka jingbym treikam tikna jong ki ATM.
Ka seng ka la shim ia kane ka sienjam hadien ba ka lap ia ki jingdkoh jong ki ATM ban shakri ia u paidbah ba iadei bad ka jingheh jong ka shnong ba ka SBI Umsning Branch ka hap ban khmih ba kynthup ia 260 tylli ki shnong bad ka jingbun ki nongshong shnong.
Ki ATM ba jan tam na Umsning ki kynthup ia ki ATM ha Nongpoh bad Umiam ba jngai haduh da ki 30 kilomitar bad 22 kilomitar.
Shuh shuh ka jingbym lah ban shakri pura ka ATM ha Umsning ha ka rukom ba dei ia u paidbah bad ka ktah ia ki paidbah kiba wan na jngai kiba hap ban pynlut ia ka bai kali hynrei ki shem pynbna da ki ATM bym treikam.
Ka seng ka la ai por lai sngi hynrei lym kumta ka la byrngem ban khang tala syndon ia ka Branch ha Umsning.
