Shillong, Nailar, 07: Ki Pulit ka Ri-Bhoi ha ka janmiet sngi Balang ki la ïoh ban kem ïa uwei u briew uba la tip kyrteng kum u Sirajul Haque 36 snem karta na Barpeta, Assam hadien ka jingïoh jingtip ba u dei uba thmu ban shalan ia u drok.
Tang shu ïoh ïa ka jingtip kaba bñiah ki Pulit ha ka jingpynap shrip bad ïoh bat ïa kawei ka Scooty kaba don ïa u number ML10 C 4833 bad ha ka jingtalasi ki la ïoh kurup ïa u drok Heroine uba khia 49.44 gram ba la thep ha ki 5 tylli ki synduk thep sabon.
Ki Pulit ki la kem noh ïa u Sirajul Haque bad register case hapoh ka NDPS Act bad ka jingtohkit mynta ka dang ïaid shakhmat.
Ha kane kajuh ka sngi, ki Pulit ka Byrnihat ki la ïoh kurup 2.47 kilo u Ganja na kawei ka kali Maruti Car kaba don ïa u number ML10 C 3646 bad ki Pulit ki la ïoh kem ar ngut ki briew ba don hapoh ka kali ba la tip kyrteng kum u Franky Marsing 27 snem ka rta bad u Shan Sylliang 24 snem ka rta na ka shnong Iewmawlong Nongpoh hadien ba ki thmu ban shalan ïa u Ganja sha Chennai.
Ki Pulit ki la register case hapoh ka NDPS Act bad ka jingtohkit halor kane ka jingjia ka dang ïaid shakhmat.
