Shillong, Nailur, 09: Ki don 529 ngut ki briew kiba la ïap na ka daw ka jingniah kali thurmur ne haba la buaid ha Meghalaya ha kine ki san snem ba ladep, katkum ka jingkhein ba la wanrah hapoh ka Iingdorbar da u Symbud Myntri Rangbah ka Jylla ba khmih ïa ka tnat Kam Pohing u Bah Prestone Tynsong ha ka sngi Baar.
Ka jingai jingkheiñ ka ïathuh ba 474 ngut kiba la ïap ka dei na ka daw ka jingniah kali thurmur, katba 55 ngut ki dei kiba ïap na ka jingniah kali ha ka por ba la buaid.
Haba pynïapher ïa ki jingkheiñ katkum ki snem, u Bah Tynsong u la pyntip ba ka jingïap namar ka ñiah kali thurmur ka long 73 ngut ha u snem 2025, 129 ngut ha u snem 2024, 94 ngut ha u snem 2023, 96 ngut ha u snem 2022, bad 82 ngut ha u snem 2021.
Katba kiba ïap na ka jingñiah kali ha ka por ba la buaid, ki long saw ngut ha u snem 2025, 12 ngut ha u snem 2024, khyndai ngut u snem 2023, hynñiew ngut ha u snem 2022 bad 23 ngut ha u snem 2021.
