Shillong, K’lyngkot, 05: Ki nongïalam jong ka All Jaiñtia Muster Roll Workers and Labour Union (AJMRWLU) ha ka Lah Sngi u Blei ki la leit ban ïakynduh ïa u Incharge Principal Chief Conservator of Forests & HOFF u D. Sathiya ban pan jingpynshai halor ka rta shongthait jong ki nongtrei Muster Roll kiba trei ha ka tnat Forest.
Ha ka jingïalang ba la pynlong da ka Joint Action Committee (JAC) ki nongtrei Muster Roll hadien ka jingïakynduh ïa u D. Sathiya na ka liang jong u Adviser jong ka Union u Bah Khroo L. Pariat u la pynshai sha ki dkhot ba ki lai tylli ki mat ïakren bad u Sathiya ki long ruh halor ka jingdawa ban siew ïa ka Employee’s Provident Fund (EPF) sha ki nongtrei Muster Roll bad ban pyntreikam ïa ka Variable Dearness Allowance (VDA)
Ka Seng ka la dawa ruh ïa u Incharge PCCF ka tnat Forest ba ym pat dei ban pynshong thait ïa ki nongtrei Muster Roll katba ka JAC kam pat ïakynduh ïa u Myntri Rangbah ka Jylla u Conrad K. Sangma tad haduh ban da shim rai da kumwei pat.
