Shillong, ïaïong, 11: Ka Kashari Special Judge POCSO, East Jaintia Hills District ka la rai pynrem da kaba phah set along hynñiew snem ia u Emlang Dkhar halor ka jingdonkti ban leh be-ijot ia kawei ka khynnah kynthei kaba dang hapoh 18 snem ka rta.
Ki Pulit kiba la ioh pdiang ia ka jingujor ejahar ki la register case ha Khliehriat Police Station hapoh ka Section 376 IPC pule lang bad ka Section 6 jong ka POCSO Act. Ia ka jingtohkit la bynshet ha ka WPSI Kong M. Marbaniang. Hadien ba ladep tohkit la pynngat kyndon ia u Emlang Dkhar ha ka 17 tarik, Rymphang, 2015, la pyntip u Superintendent of Police ka East Jaiñtia Hills u Giri Prasad M. ha u kyrwoh ba la phah sha ki lad pathai khubor.
Ka Kashari kaba la shong bishar ka la lap ba u Emlang Dkhar u dei uba donkti ha kane ka kam runar bad rai pynrem da kaba phah set along ryngkat ka jingdaiñ kuna kaba T. 20,000 hajar hapoh ka Section 376 IPC bad shiphew snem hapoh ka Section 6 jong ka POCSO Act bad daiñ kuna T. 20.000.
