Shillong, Nailur, 07: Ka shlem ai jinghikai jong ka Shillong College da ka jingkmen ha ka sngi Saitjaiñ ka la rakhe ïa ka Graduation Day 2024 da kaba pynkup burom ïa ki 735 ngut ki samla pule ki la pas bha bad kiba la pyndep ïa ka jingpule ha ka Batch 2021 haduh 2024.
Napdeng kine ki 735 ngut ki samla pule, ki don sa 22 ngut ki samla pule kiba ïoh Rank Hholder bad ïa ki Degree jong kine ki samla la sam da u MLA ka Sohra Constituency u Bah Gavin M. Mylliem uba la long kum u kongsan ryngkat ka jingdon lang jong u Nongaitktien ka BJP u Bah M. Kharkrang uba long u samla pule barim jong ka Shillong College.
Ha kane ka jingrakhe ïa ka Graduation Day la sakhi lang da ka Principal ka Dr. E Kharkongor, u Bah B. Marboh uba long u President jong ka Governing Body ka Shillong College, u Nokzenketer Pongen, Rank Holder, 2nd Position NEHU Examination 2024, Department of Education bad u Dr H. Diengdoh uba dei u Head of Department ka Education uba dei ruh u Convener jong ka Graduation Committee nalor kiwei pat bad ki samla pule jong ka College.
