Shillong, Risaw, 17: Ki shipai BSF jong ka 172nd Battalion, Meghalaya ha ka sngi Balang ki la ïoh kurup 980 bilor ka dawai jyrhoh Phensedyl ba la thmu ban khaii tuh sha ka ri Bangladesh lyngba ka khappud jong ka East Jaiñtia Hills District.
Ki shipai BSF kiba la suba ïa ka leit ka wan jong ki nongkhaii tuh ha khappud ki la pyrshang ban pynsangeh hynrei ki nongkhaii tuh ki la ïoh ban phet krad da kaba shim kabu ïa ka jingrben jong ka khlaw.
Ha ka jingkhynra, ki shipai BSF ki la ïoh kurup ïa kine ki dawai bad hadien kane la aiti noh sha ka ophis Custom ha Badarpur ban leh ïa kaba donkam.
