Shillong, Jylliew 12: Ka kynhun ki nongialehkai Mixed Martial Arts (MMA) ka jylla Meghalaya kiba don hapoh ka kynhun jong ka Tribal Combat Academy (TCA) ba la ai jinghikai da u samla Babit Kharsahnoh kaba don ha Madanrting, Shillong ki la wanrah burom ia ka jylla Meghalaya ha ka lympung ialehkai Mixed Martial Arts North East Zone kaba la long ha Siliguri naduh ka 7tarik haduh ka 9tarik mynta u bnai ba la pyniaid da ka All India Mixed Martial Arts (AIMMA) bad ba la kyrshan da ka Global Association of Mixed Martial Arts (GAMMA).
Ha kane ka lympung iakura, ki dkhot jong ka Tribal Combat Academy ki la jop ia ka takma ksiar, takma rupa bad takma rnong.
Ha ka jingiakhun jong ka kyrdan Striking MMA Gold u samla Rishanskhem P. Lipon u la jop ha ka Title Belt 58 Kg ha ka kyrdan Junior, u Alvin Kharkongor u la ioh khur ia ka takma Rupa jong ka kyrdan 35 Kg ha ka kyrdan Cadets, ka samla Barishisha Nongkhlaw ka la ioh khur ia ka takma Rupa jong ka 49 Kg ha ka kyrdan Junior Girls, u Vincent Marboh u la ioh khur ia ka takma Rupa jong ka 62 Kg ha ka kyrdan Junior.
Ka samla Emillia Susngi ka la ioh khur ia ka takma Rnong jong ka 49 Kg ha ka kyrdan Junior Girls, u David Lalrinmawia u la iohkhur ia ka takma Rnong jong ka 70 Kg ha ka kyrdan Senior Men.
Haba phai pat sha ka jing iakhun jong ka Pro Amatuer MMA u Brock Star Papang u la long u Champion jong ka Title Belt 77 Kg ha ka kyrdan Senior Men, u Thangoulian Manlun u ioh ia ka takam Rupa jong ka 70 Kg ha ka Senior Men.
