Tura, Jylliew, 12: Ki nongkyrshan jong ka National Peoples Party (NPP) ki la tyrwa da ka kyrteng jong ka Dr. Metabh Chandee A. Sangma ka kurim jong u Myntri Rangbah ka Jylla u Conrad K. Sangma bad ia ka kyrteng jong u James K. Sangma ban pyniakhun ha ka elekshon shiteng samoi na Gambegre Constituency.
Kane ka la wan tang hadien shi sngi ba u Saleng A. Sangma u la aiti ia ka shithi iehnohkam kum u MLA jong ka Congerss na Gambegre Constituency sha ka Assembly Secretariat hadien ba u la jop ia ka elekshon Lok Sabha na Tura Parliamentary Seat kaba dang shu dep long shen.
U Saleng u la pynrem ia ka Agatha K. Sangma kaba dei ka para kynthei jong u Myntri Rangbah ka Jylla da kaba ioh palat 1.55 lak vote.
Ka thymmei khubor na ka party ha ka sngi Balang ka la iathuh ba ka la don ka jingdawa na ki nongtrei jong ka party ba ka dei ban pynieng da ka Dr. Metabh Chandee lane da u James K Sangma, uba dei u MLA barim ka Dadenggre Constituency, kum ki kyrtong ha ka elekshon shiteng samoi ka ban sa long ha Gambegre.
