Shillong, Nailur, 13: Ka Adventurous Hynñiewtrep Off Roaders kan pynlong ia ka 6th Edition 4×4 Off Road Challenge kaba lai sngi ha Kharsati Park, Umtham, Ribhoi district.
Ha ka jingiakren bad General secretary jong ka AHOR u Bah Ferdinand Jahrin ha ka 13tarik u Nailur 2024,u la ïathuh ba ia kane ka jingiakob yn pynlong ha ka 10 tarik,11 tarik bad 12 tarik, Risaw 2024.
U la iathuh ba ka jingiakob kan long ha ki 3 tylli ki kyrdan ne ki Category kata ka long ha ka Pro Modified, ka Semi Modified bad ka Stock Category.
Ka bai rung na ka bynta ka Pro Modified kan long T. 15,000 hajar, ka Semi Modified kan long T. 10, 000 hajar bad ka Stock Category kan long T. 8,000.
U la ong shuh shuh ba ïa kane ka bai rung, yn kynthup lang na ka bynta ka baibam bad ka jaka sah na ka bynta lai sngi bad ka khusnam pisa ha kane ka jingiakob ñiah kali Off Road kan long 5 lak tyngka.
