Shillong, Nailur 27: Ki bahaïing ha sem jong u Steve Jyrwa uba dang don hapdeng ka jingïakhun ïa ka India Best Dancer 4 ban poi sha ka Grand Finale, ha ka sngi Thohdieng ki la wan sha ki Lad Pathai Khubor ban pynshai paidbah ïa ki rukom vote hadien ba la don ïa ki artylli ki App.
Haba kren sha ki lad pathai khubor u President Meghalaya Dancer Association u Bah Kitbok Jyrwa u la ong ba ki dang don bun ki briew kiba ym lah ban thep ïa ki vote jong ki, wat lada ki don ruh kiba la dep ban nang bad ban thep ïa ki vote jong ki.
“Mynta ka sngi ki la wan ban pynshai sha ki paidbah namarba bun sien haba ngi la leit sha kylleng ki district ngi lap ba bun bah ki paidbah ki shem jingeh ban vote watla ki don ruh katto katne kiba lah nang bad haba kheiñ na ka 100% kumba 30% kim pat sngewthuh kumno ban thep ïa ki vote jong ki. Ha ki por ba la dep u don tang u Sony Live hynrei ha ki taïew ba la dep pat ka kompeni ka la pyntip ba ki la don sa artylli ki apps kawei ka dei ka Sony Live kaba lah ban thep haduh 50 ki vote bad na ka Landcap bad halor kane ki paidbah ki lah ban na ki simcard jong ki haduh 100 tylli ki vote bad na ka Landscap 50 vote bad ka Dony Liv 50 kaba mut ka long 100 ki vote na baroh artlli ki Apps,” ong u Kitbok Thabah.
U la ong ruh ba ki paidbah na ki mobile kin down load jong ki ban download na ka Playstore bad sa leit sha ka Sony liv ban sa pynrung ïa ki kyrteng bad ki nombar phone nombar jong ki ha kine ki app.
