Shillong, Naiwieng 04: Ki thylliej ding ba rhem ha ka lah Sngi u Blei ki la pynkylla dpei ïa ka iing jong u Bah Nishon Thabah bad ka Kong Phirda Kharthangmaw ha ka por kumba 12 baje mynsngi ha ka shnong Nongkohlew Dong Mission.
Katkum ka jingïathuh jong ka Kong Phirda ha ka khyllipmat ba kane ka la pluh, ma ka bad u kurim jong ka, ki dang don sha lyngkha bad u don tang uwei u khun ha iing hynrei katkum ka jingïathuh jong ki paramarjan ha ka por ba ka iing ka la pluh, une u khun um shym la don shuh hapoh ing bad u la lait thaw na ka jingjia basngewsih.
Ha kane ka jingjia baroh ki jingdon jingem hapoh ka ing ki la kylla dpei tang ha ki shikhyllipmat.
U Bah Noson Nengnong bad u Bah John kharwanniang kiba dei ki trai jaka ki la rai ban ai jaka sah shipor ïa u Bah Nishon Thabah bad ka Kong Phirda Kharthangmaw katba kim pat dep shna ïa ka ing kaba thymmai.
Na ka liang jong u President jong ka Mawlai Block Congress Commitee u Bah Wanseng Jyrwa ryngkat bad u General Secretary u Freddystar Thabah, bad kiwei kiwei ki nongkitkam ki la leit ban ai jingïarap ïa kane ka longiing bad ha kajuh ka por u Bah Wanseng u la kular ban sa ai jingïarap lai ban ki tin sop iing sha u Bah Nishon Thabah bad ka Kong Phirda Kharthangmaw ynda ki la shna ïa ka ing kaba thymmai.
