Shillong, K’lyngkot, 27: U Bah Deibormi Lamare uba sah ha ka shnong Barato, West Jaintia Hills District u la mudui da ka ejahar sha ki Pulit jong ka Barato Police Out Post ban pyntip halor ka jingshah thang ka kali jong u, ka Alto K10 kaba don jong u nombar ML05 AC 3913, ha ki runar ki bym lah satia ban ithuh ïa ka durkhmat kaba la jia ha ka 26 tarik, Kyllalyngkot, 2025 ha ka por kumba 12 baje mynmiet.
Katkum ka jingïathuh jong u Bah Deibormi uba niah ïa kane ka kali, hadien ba u la poi sha iing ha ka por kumba 9 baje mynmiet u la set noh ïa ka kali hapoh ka phyllaw iing bad dei ha ka por kumba 12 baje shiteng synnia, ka para jong u ka la ïohsngew kumba don mano re mano ba pynmeh ïa ka lighter dih sikret hajan ka jaka ba la set ïa ka kali. Namarba ka para kam shym la suba sniew eiei ruh ka la leit thiah noh sha jingthiah hynrei tang hadien katto katne minit ka kali ka la kem ding kynsan na ki bynta ba shakhmat.
