Shillong, Rymphang, 21: Watla kiwei kiwei ki Polling Station ha rilum Jaiñtia ki shlei da ki paidbah ki leit ieng laiñ naduh ka por mynstep ban ïoh pyndep ïa la ka jong ka kamram ban thep ïa la ka jong ka vote ha ka sngi Thohdieng na ka bynta ban jied ïa ki nongmihkhmat ba thymmai sha ka Jaiñtia Hills Autonomous District Council (JHADC) hynrei la sakhi pat ba ka Polling Station Tangnub ka la thylli kreng kreng namarba ki paidbah kim shym la leit ban ïashim bynta ha ka jingthep vote.
Ka jingbym leit ïashim bynta ki paidbah ha ka jingthep vote ka dei namarba ki la sat sia ïa ka Jaiñtia Hills Autonomous District Council (JHADC) hadien ka jingpynbeit thymmai ïa ki shnong na kawei ka Constituency sha kawei pat bad ïa ka shnong Tangnub kaba don ha Sutnga-Nongkhlieh Constituency la pynhap noh sha ka Saipung Nongkhlieh Constituency.
