Shillong, Lber, 16: īa kawei ka metīap jong u rangbah briew la lap ha ka Sngi U Blei na trai jong ka jingkieng Duwan Sing Syiem kaba don ha ka shnong Mawkdok, East Khasi Hills District bad īa kane ka metìap la lap da ki nongshong shnong bad da ki briew kiba ju shong dukan ha kane ka jaka.
Haduh mynta ym pat tip satia īa ka kyrteng jong une u briew uba la shu khein̈ antad ba u la don hapdeng ka rta kaba 20 snem haduh 30 snem eiei bad la shu antad ruh ba u lah ban dei u nongbylla na ki shnong ba marjan.
Katkum ka jingtip ba la īohlum la īathuh ba īa ka metīap la shimti noh da ki Pulit ja Sohra Police Station ban pynkit sha Sohra CHC ban pyndep īa ki jingdonkam katkum ka ain̈.
Ha kaba īadei bad kane ki Pulit ka Sohra PS ki la register case bad ki dang pynlong īa ka jingtohkit kaba bniah ban tip īa ka daw tynrai halor ka jingīap jong une u rangbah.
