Shillong, Jylliew, 25: Ka Iingbishar Meghalaya High Court ka la rai ban buh teng, halor ka jingshong bishar ïa ka mukotduma kaba ïadei bad ka jingpynkynriah ïa ki 342 tylli ki longiing na Them Iew Mawlong, haduh ka 9 tarik Naitung.
Ka Division Bench kaba kynthup ïa u Chief Justice IP Mukerji bad u Justice W Diengdoh ki la pynmih ïa kane ka hukum ha ka sngi Balang, kaba la ailad ïa ka jingkyrpad ban pynkynriah ïa ka jingkyrpad jong u R Colney, u General Advocate uba ïasaid na ka bynta ki nongujor.
Ka iingbishar ka la pynkynriah sngi noh ïa ka mukotduma ban pynthikna ïa ka jingmih na ka jingpyrshang pynbeit ba la leh da ki arliang mamla.
Kane ka hukum ka la wan hadien ar sngi ba u Symbud Myntri Rangbah ka Jylla u Bah Prestone Tynsong u la pynbna ba shen ka Sorkar kan sa khot ïa ka jingïalang ban rai halor kane ka kam kaba la sahteng la slem bha kaba ïadei bad ka jingpynkynriah ïa ki longiing na them Iewmawlong.
Ka Sorkar dang shen ka la leit pynsngew sha ka Sorkar Pdeng ban pan ïa ka jaka shipai hadien ka jingkyrpad kaba wan na ka Harijan Panchayat Committee (HPC).
