Shillong, Nailar, 07: Ka Kynhun Myntri jong ka Sorkar Jylla ka la mynjur ïa ka polisi bad ka aiñ ban ai wai ïa ki thuk thuk bad ki kali sha ki nongjngohkai pyrthei bad ki riewshimet, da kaba thmu ban pynbeit ryntih ïa kane ka bynta bad ban pynthikna ïa ka jingshngaiñ jong ki nongjngohkai pyrthei.
“La mynjur ar tylli ki polisi ba kyrpang, kawei na ka bynta ki thuk thuk ar sha ka bad kawei na ka bynta ki kali saw sha ka,” la ong u Myntri Rangbah ka jylla u Conrad K Sangma ha ki lad pathai khubor hadien ba u la pynïaid ïa ka jingïalang ha ka sngi Palei.
Katkum kane ka polisi, ki riewshimet bad ki shlem ai wai kali sha ki nongjngohkai pyrthei kin hap ban pynrung kyrteng ha ka tnat Transport, u la ong haba bynrap ba kane ka rukom treikam ka thmu ban pynthikna ïa ka jingshngaiñ jong ki nongjngohkai pyrthei da kaba pynbeit ïa ka kam ai wai kali, kaba la treikam khlem da peit bniah haduh mynta.
