Shillong, Risaw, 15: Arngut ki briew ki la shah kem bad ki mar ba la suba ba ki dei ki jingdih pynbuaid ha Lumshnong, East Jaiñtia Hills district.
Ka Anti-Narcotics Task Force (ANTF) ka la pynap shrip ha ka 14 tarik mynta u bnai hadien ba la ïoh jingtip kaba bniah na ki tnat syntiat ba ki don ki briew ba la suba kiba shong da kawei ka kali kaba mih na Silchar, Assam, kiba kit ïa ki jingdih pynbuaid kiba la khein beaiñ.
Mar mar, ha ka jingpynap shrip, ka kynhun ki Pulit ba la lamkhmat da ki Pulit ka Umkiang Patrol Post ki la ïoh bat ïa u Abdul Rob Laskar ba ju khot sin kum u Munna, 22 snem na ka shnong Kabuganj , Silchar, Kachar, Assam.
Hadien kane, da ka jingïarap jong ka ANTF, Meghalaya ki Pulit ki la ïohkem da uwei pat uba donkti manla ka por uba la tip kyrteng kum u Asif Wahlang na Hari Sabha Laban, Shillong.
Ki Pulit ki la ïoh kurup san tylli ki synduk thep sabon ba la thep ïa u drok ba khia 60 gram bad kawei ka kali Hyundai Venue kaba don ïa u nombar AS-01-EJ-8977.
Mardor, ki Pulit ki la register case ha Lumshnong Police Station hapoh ka NDPS Act, bad ka jingtohkit ka dang ïaid shakhmat ban lap dien shuh shuh ïa ki briew kiba donkti ban pynpoi ïa u drok shapoh ka jylla.
U Superintendent of Police (SP) ka East Jaiñtia Hills Vikash Kumar u la kyntu ïa kino kino kiba don jingtip shaphang ka jingkhaii drok ba kin wan shakhmat bad ïakynduh ïa ki Pulit jong ka district ha kaba yn buhrieh noh ïa ka kyrteng jong ki bad yn sa ruh ai ïa ki khusnam.
