Shillong, Naiwieng, 04: Ka Dr. Mazel Ampareen Lyngdoh, kaba long ka Myntri Sorkar barim bad ka MLA jong ka NPP na East Shillong ka la shah thung kum ka Adviser jong ka Sorkar Meghalaya Democratic Alliance (MDA).
Ka Dr. Ampareen kan ïoh baroh ki jingmyntoi hapoh ka Category “A+”, katkum ka Office Memorandum ba la pynmih da ka tnat Finance ha ka 17 tarik, Nailar, 2023.
Ïa kane la pyntip da u Commissioner & Secretary uba peit ïa ka tnat Planning, Investment Promotion & Sustainable Development Bah Cyril V.D Diengdoh ha ka jingpynbna ba la pynmih ha ka 3 tarik, mynta u bnai.
Kane ka jingthungkam ïa ka MLA jong ka East Shillong ka long hadien la pyndam noh ïa ka jingthungkam ïa u Myntri Rangbah barim ka jyllla u Dr. D.D. Lapang hadien ka jingkhladnoh jong u.
Ka Dr. Ampareen, ka la shakri kum ka Myntri ha ka Sorkar Meghalaya bad khmih ruh ïa ka tnat Agriculture, Health, bad Information & Public Relations.
