Shillong, Naiwieng, 10: Ki nongtuh ki la jynrat ïa u Ignition Switch jong ka Bile MT-15 bad hadien kata ki la rong tuh ïa ka motorkike na Nongpathaw -Umparmaw, Mawlai Mawdatbaki, Shillong.
Kane ka motorbike ka la shah rong tuh ha ka sngi u Blei ha ka por kumba 3:00 baje mynstep na ka jaka ba ju pynieng bad ïa u ignition switch la lap kham na pajih.
Kane ka motorbike kaba don ïa u number ML05AE-8130 ka dei kaba la long trai da u Bah Remiious Fernandez Swer.
U trai jong kane ka motorbike u la ujor da ka ejahar ha Mawlai Police Station.
Ha kane hi kajuh ka dong, ka la don ka jingshah tuh jong ka Bike Royal Enfield kaba don ïa number ML05AA-2851 kaba long trai da u Bah Teiborlang Lyngdoh Mawphlang.
