Shillong, Nohprah, 04: Ka Sorkar Meghalaya ha ka sngi Palei ka la pyntip paidbah ba la pynkylla noh ïa ka iingsah u Lat ka Jylla na ka kyrteng Raj Bhavan sha ka kyrteng Lok Bhavan.
Ha u kyrwoh ba la phah da u Principal Secretary jong u Lat ka Jylla Meghalaya u H.C Chaudhary, la pyntip ba katkum ka jingbthah jong ka Ministry of Home Affairs, ka Sorkar India ha ka 25 tarik, Naiwieng 2025 bad katkum ka jingbthah jong u Lat ka Jylla, Meghalaya, la pynbna hangne ba ïa ka “Raj Bhavan, Shillong” la pynkylla kyrteng noh sha ka “Lok Bhavan, Shillong”.
Nangne shakhmat ïa ka “Raj Bhavan, Shillong” yn tip noh kum ka “Lok Bhavan, Shillong,” bad kane ka jingpynbna kan treikam noh mardor, la ong shuh shuh u kyrwoh.
