Shillong, Nohprah, 19: Ka Sorkar Jylla ha ka sngi Thohdieng ka la mynjur ban thung kum u Chairperson uba thymmai jong ka Meghalaya Human Rights Commission (MHRC) ïa u Justice Vedenathan uba la shongthait kum u Chief Justice barim jong ka Iingbishar Meghalaya High Court.
Ha ka jingïakren bad ki lad pathai khubor u Myntri Rangbah ka Jylla u Conrad K Sangma u la ïathuh ba ka Kynhun Myntri ka la mynjur ruh ban thied ïa ka jaka kaba heh 8000 square meters ha ka dor T. 32 klur na ka Sorkar UP ha Greater Noida, Uttar Pradesh na ka bynta ban shna ïa ka Meghalaya House khnang ban pynsuk ïa ki paidbah nongshong shnong jong ka jylla Meghalaya kiba leit donkam khah khah sha Delhi.
Ha kane ka jingïalang ka kynhun myntri ka la mynjur ruh ïa ka jingpynbeit thymmai ïa ka Service Rules jong ka Meghalaya Planning Service Rules bad mynjur ruh ïa ka jingthaw ïa ka National Games Secretariat Society khnang ban pynïaid beit ïa ka lympung ïalehkai 39th National Games ka ban sa long ha kane ka jylla Meghalaya ha u snem 2027.
