Shillong, Kyllalyngkot, 16: Uwei u nongtuh uba donkti ban bom pynmynsaw ïa ka Devi Basumatara, 42 snem hadien ka jingprong tuh hapoh ka ïing jong ka ha Upper Lachaumiere ha ka sngi Baar mynta ka taïew u la shah kem ha ki Pulit.
Ïa une u snar nongtuh la tip kyrteng kum u Navin Sunar, 43 snem ka rta.
U kyrwoh ba la phah da u Superintendent of Police ka East Khasi Hills u Vivek Syiem u la pyntip ba ha ka 16 tarik Kyllalyngkot, 2026 ha ka por kumba 4:30 baje janmiet, ki Pulit ka Special Party jong ka Pasteur Beat House hapoh ka jingïalam jong u Incharge Sub Inspector Arki Warlang ki la ïohkem ïa u Navin Sunar na Boucher Road.
Ka jingïohkem ïa u Navin Sunar ka long hadien ba ki Pulit ki la pynlong ïa ka jingtohkit kaba bniah bad lum ruh ïa ki sakhi sabut na ka jaka ba la jia.
Ha kaba ïadei bad kane, ki Pulit ki la register case hapoh Laitumkhrah Police Station hapoh ka Section 331(7)/304(2)/351(3)/127(2) jong ka BNS 2023.
