Shillong, Jymmang, 16: Ka Joint committee jong ka Elaka Nongkhlieh ka la pynkynmaw biang ïa ka ban ym shah shuh ïa kino kino ki kynhun sengbhalang ban treikam hapoh u pud u sam jong ka Elaka Nongkhlieh.
U Secretary jong ka Elaka u Bah Fencing Bareh ula ong ïa kane ka rai ka Joint Committee jong ka Elaka Nongkhlieh ka la shim ha ka jingïalang kaba la long ha ka 9 tarik Lber, 2026.
U la ïathuh ba katkum ka rai, naduh ka 14 tarik Lber 2026 yn ym shah shuh ïa kino kino ki kynhun sengbhalang ban rung shapoh u pud u sam jong ka Elaka khlem da ïoh jingbit shwa na ka Elaka.
“Kino kino ki sengbhalang lane ki seng treimon sngewbha kiba kwah ban rung shapoh ka Elaka, kin pyntip ïa ka daw, ka nongrim bad ka jingthmu jong ki, ba ki kwah ban rung ne ban leh hapoh ka Elaka, ïa kane ki hap ban ai shwa da ka jingthoh kumba shibnai shwa ka por, khnang ba ka Elaka kan rai la kan shah ne em ïa ki ban wan rung shapoh pud u sam ka Elaka,” la ong u Secretary ka Elaka.
