Shillong, Naiwieng 04: Uwei u nongdie drok uba la don dak sniew mynshwa, u la shah kem ha ki paidbah ha ka Sngi Saitjaiñ katba u dang die tuh ïa u drok ha Police Point Laitumkhrah.
Ki Pulit ka Laitumkhrah Police Station tang shu ïoh jingtip halor kane ki la bthah ïa ka kynhun Pulit Anti Narcotic Task Force ban leit kem mardor ïa une u nongdie drok bad na ka met jong u ki Pulit ki la ïoh kurup 10 tylli ki tyndong ba la thep ïa u drok Heroin uba khia 10.97 gram, kawei ka plastic rong ïong kaba la thep ïa ki 35 tylli ki tyndong ba thylli, kawei ka mobile phone bad ka pisa kaba 6 hajar, 310 tyngka.
