Shillong, Naiwieng, 13: Ka United Democratic Party (UDP) ka la pynpaw ba ki paidbah nongthep vote jong ka Shella Constituency kin ai jingkyrshan beit ia u kyrtong uba thymmai uba ka party kan sei bujli ha ka jaka jong u MDC ba mynta ka Shella Constituency u Bah Teiñwell Dkhar hadien ba u la pynbna paidbah ba un ym iakhun shuh ia ka elekshon MDC sha ka KHADC ka ban sa long ha u snem ban sa wan.
U Bah Teiñwell Dkhar u la mihkhmat kum u MDC jong ka Shella Constituency jin 25 snem kynthih sha ka iingdorbar jong ka Khasi Hills Autonomous District Council bad long ruh u Executive Member bad u Chief Executive Member ha kine ki 25 snem.
U President ka UDP Bah Metbah Lyngdoh ha ka jingiakren bad ki lad pathai khubor ha ka lah sngi U Blei hadien ba la wai ka jingialang jong ka Central Executive Council (CEC) ula iathuh ba ka party ka don beit ia ka jingshaniah ha ki paidbah jong ka Shella Constiteuncy ba kin dang pynjop ia u kyrtong uba thymmai ba ka party kan sa pyniakhun ha ka Elekshon MDC ka ban sa long namarba u Bah Teiñwell ha ki jinglong MDC ba la 25 snem kynthih u la leh bun ki kam na ka bynta ka Constituency.
