Shillong, Naiwieng, 11: Kawei ka longïing na ka shnong Mawjyrsim, ka shnong kaba hap hapoh ka South West Khasi Hills District ka la kylla dpei hadien ba ki thylliej ding ba rhem ki la bamduh ia kane ïing bad ia ki jingdon jingem baroh.
Katkum khubor ba la ïohlum, la iathuh ba kane ka ïing kaba la pluh ha ka 10 tarik u Naiwieng, 2024 ka dei ka ing jong ka kong Banjalin Lyngdoh Marshillong kaba don ar ngut ki khun ha kaba kane ka jingpluh jong ka ing ka la jia ha ka por kumba 10 baje mynstep.
U Myntri jong ka shnong Mawjyrsim u Bah Khranly Nongrem u la ïathuh ruh ba ha ka por ba kane ka ing ka la pluh, ka mih ka jingsawa kaba jur na ka jingbthei jong u tyndong Cylinder gas bad donbok ba ha kane ka por ym shym don briew satia hajan jong ka ïing.
Bah Khran u la ong, ia ka daw jong ka jongpluh kane ka ïing haduh mynta ym pat lah ban tip bad u la ïathuh ruh ba ka jingjulor baroh ka la kot kumba shi lak sawphew hajar tyngka eiei.
