Shillong, Rymphang, 11: U Justice S. Vaidyanathan u la bam smai kum u Chief Justice ba thymmai jong ka Ingbishar Meghalaya High Court ha ka sngi U Blei.
U Lat ka Jylla Phagu Chauhan ula pynbam smai ïa u Justice Vaidyanathan ha ka jingïalang pynbam smai kaba long ha Dorbar Hall jong ka Raj Bhavan, Shillong.
U Justice Vaidyanathan u la shimti ïa kane ka shuki na u Chief Justice Sanjib Banerjee uba la shongthait ha u Naiwieng jong u snem ba ladep.
Shuwa kane, u Justice Vaidyanathan u la shakri kum u Judge jong ka Madras High Court naduh u bnai Risaw 2013.
