Khliehriat, Lber, 31: Ki thylliej ding barhem ki lia bam duh ploiñ haduh ban da kylla dpei lut ïa ka iing jong u Bah Wanmon Pohshna kaba don ha shnong Kuliang, East Jaiñtia Hills District. Kane ka la jia ha ka sngi Saitjaiñ ha ka por kumba 1.30 baje mynsngi.
U Bah Wanmon u dei uba don san ngut ki khun kiba dang rit hynrei ha ka por ba ka ing ka la kem ding ym shym la don mano mano ruh hapoh ka ing kaba la bamduh ïa ka iïng baroh kawei bad ia ki tiar ki tar, ki mar rep, ki jaiñ ki nep kiba don hapoh ïing.
U Bah Pohshna u la kyrpad ïa ka Sorkar bad ia ki riew paidbah ba kin sngewha ban phaikhmat lem sha u ban iarap lem khnang ba un iohlad ban shna thymmai pat da kawei ka ïing ban shong ban sah.
Ki dkhot kiba don ha ka Whatsap Group ‘Ka sur u Paidbah Elaka Narpuh’ ki la noh synñiang katba lah ban iarap lem ïa u Bah Pohshna uba la duhnoh ïa ka iingsah bad duhnoh ki jingdon baroh.
