Shillong, Naitung 02: Na na ka daw ka jingthut jong ka jinglong ka suiñbneng bad kaba lah ruh ban dang wanjia ka jingtwa khyndew ha shilynter ka Rngaiñ ka surokbah NH-40 Shillong – Dawki, ka ophis Sub-Divisional Officer (C), Pynursla Civil Sub-Division la ai jingmut ïa ki paidbah ban long kiba phikir bad peitngor haba ïaid na kane ka surok ha kine ki por ba jur slap bad ban kiar ruh katba lada ki kam kim da long kiba donkam eh.
Ka ophis Sub-Divisional Officer (C) shuh shuh la ong ba ki bor badei peit ki la khmih bniah bha ïa ka jinglong jingman na ka bynta ban ai ki jingïada ïa ki paidbah.
