Shillong, Nailar 27 : Ka University of Science and Technology, Meghalaya ha ka Convocation kaba 10 kaba la long ha ka 27 tarik, Nailar, 2024 ka la pynkup burom ia u kaitor ba paw jong ka jylla Meghalaya u Bah Lou Majaw da ka kyrdan Doctor of Literature halor ka jingnoh synniang jong u sha u sup u thiar jong ka put ka tem bad ka rwai ka siaw hapoh ka jylla Meghalaya.
Ha kane ka sngi, nalor u Bah Lou Majaw bad u Zubeen Garl kiba la shah pynkup burom da kane ka kyrdan, ka skulbah ka la pynkup burom ruh ia ki hajar ngut ki samla pule kiba la pyndep ia ka Under-Graduate, Post Graduate bad kiba la pyndep ia ka kyrdan Ph.D.
